केळशी गाव आहे अरुंद गल्ल्यांचं. वाट विचारत विचारत महालक्ष्मीच्या देवळाकडे निघालो. देवळापुढे एकदम रस्ता संपला. दोन्ही बाजुला झाडी. समुद्रावरुन येणारा खारा वारा जाणवत होता. डावीकडे दुरवर माड – पोफळ पोहोचलेले. त्यातुन डोकावणारा याकुतबाबांच्या दर्ग्याचा मीनार. समोर सुबकसं महालक्ष्मीचं देउळ. गोल घुमटाचं. प्रवेशद्वारावर नगारखाना. फरसबंद परिसर. आवारात चाफ्याची झाडं. चाफ्याची झाडं आणि देउळ यांना एकमेकांमुळे शोभा येते. एक दुस-याशिवाय अपुरं वाटतं. त्या निरव शांत स्थळी जणु … Continue reading कोकणचित्रं

या मे महिन्यात आम्ही सगळी रानडे मंडळी कोकणस्वारीला गेलो होतो ना तेंव्हाची गोष्ट. आम्ही नऊ जण होतो. मुक्कम होता दिवे आगरच्या वाडीत. रात्रीची वेळ. दरवाजावर टकटक. आत झोपलेल्या चौघांपैकी एकाला जाग येते. परत टकटक. `कोण आहे’ ला उत्तर नाही. दुसरीला जाग येते. उरलेल्या दोघांना पत्ता नाही. परत दार वाजवल्याचा आवाज. `कोण आहॆ?’ … शांतता.. उठुन खिडकीतुन डोकावुन बघितले तर बाहेर कुणीच नाही. नुसती रातकिड्यांची कीरकीर. … Continue reading दिवे आगरचा प्रसंग